大閘蟹2025 | 又係食大閘蟹嘅時候啦，大家準備好未呢～香港康得思酒店自助餐餐廳推出「蟹逅世界・海鮮狂饗」自助餐 ，除咗有得享用自助餐之餘，仲有得食三両半重嘅清蒸江蘇大閘蟹，超多蟹膏！即刻入內文睇詳情啦！
圖片來源：官方圖片 | 撰文：Hedy
香港康得思酒店自助餐餐廳 The Place以優質江蘇大閘蟹為主角，搭配環球冰鎮海產與多款創新蟹料理，絕對可以為大家帶嚟鮮美嘅味覺體驗！The Place嚴選當季最肥美嘅江蘇大閘蟹，以傳統清蒸手法呈現原汁原味，每位成人都可以喺晚市獨享一隻三両半重清蒸大閘蟹。而小童就有芙蓉蟹皇蟹肉伊麵一客，以濃郁蟹黃醬搭配蛋香伊麵，等小朋友都可以共同享受滋味！
大閘蟹2025 | 無限任食北海道毛蟹！
除咗原隻清蒸大閘蟹之外，仲有多款蟹主題嘅美饌，當中包括無限任食嘅北海道毛蟹、香蔥蟹殼黃酥餅、金沙螃蟹、紫蘇蟹肉薑米炒飯以及蟹皇蒸豆腐等。北海道毛蟹作為日本三大名蟹之一，以其鮮嫩甜美嘅蟹肉同濃郁甘甜嘅蟹膏令人啜指回味。講到自助餐又點少得冰鎮海鮮同時令刺身呢？The Place為大家安排咗5款冰鎮時令海鮮，包括加拿大龍蝦、新西蘭青口、加拿大龍蝦鉗、俄羅斯蟹腳、越南凍蝦及凍沙白蜆等。而壽司方面就有吞拿魚、三文魚、油甘魚及鮮甜帶子等，超多選擇～ 熱葷佳餚更係豐富多元，包括備受歡迎嘅鐵板香煎鵝肝，還有其他精選菜式，包括焗烤戰斧牛扒、特式燒乳豬、酥皮包裹嘅法式三文魚卷、香煎羊扒等，應有盡有。
【INFO】 《The Place「蟹逅世界・海鮮狂饗」自助餐 》 日期：即日起至2025年11月30日 價錢： 自助午餐(12:00至14:30）星期一至星期五 成人（港幣$398）、長者(港幣$328）、小童(港幣$248)；星期六、日及公眾假期 成人（港幣$468）、長者(港幣$398）、小童(港幣$308) 下午茶自助餐(15:15至17:15） 星期六、日及公眾假期 成人(港幣$298）、長者(港幣$238）、小童（港幣$208） 自助晚餐(16:00至21:45）星期一至星期四 成人（港幣$738）、長者(港幣$648）、小童(港幣$568)；星期五、六、日、公眾假期及公眾假期前夕 成人（港幣$788）、長者(港幣$698）、小童(港幣$608) 立即訂購：https://bit.ly/3HMAjC4
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
