鐘意去旅行的朋友，係咪就黎忘記搭飛機的感覺啦？旅行發燒友們想體驗係機上的感覺，咁就唔好錯過今次介紹的香港首間以飛機為主題的特色餐廳啦！ 餐廳由店外到用餐細節都超用心，有晒飛機外型、離境大堂、飛機窗同機票存根，真係好似搭左次飛機咁呀！
圖片來源：IG@minnie2mac、IG@de_gourmet_c、IG@s_tall_hk_jp、IG@foodographiee｜撰文：Mifa
店內店外貫徹 飛機 主題 離境大堂/航班班次/ 飛機 窗邊超多打卡位
從遠望去已經見到十分吸晴的飛機造型店面，同埋香港人每次去旅行都必打卡的登機牌，未入到就可以影定相先啦。進入店內會見到大大個「離境大堂」的牆身，另一邊牆則是航班班次的顯示牌，各位旅客記住唔好食飯食到錯過航班呀～最吸晴的一定要提靠窗的位置，特意造出飛機的窗口，無論係日頭定夜晚都可以合照一張，真係好易fake到大家點解你有得飛嫁！店內的卡片做成機票存根的造型，十分趣緻。
餐廳食物水準高 設經濟/商務/頭等艙套餐
餐廳在餐飲上當然貫徹主題，打造出經濟艙、商務艙及頭等艙 3 款套餐。不過大家唔好以為飛機餐廳的食物質素同真正飛機餐一樣，食落絕對有驚喜嫁！午餐會用飛機的餐盤，望落份量唔多但都幾飽；而晚餐就係用碟上既～小編十分推介白酒大蜆意粉，蜆肉大隻肥美，意粉亦十分入味！不過提提大家，想叫頭等艙套餐的話要先行預約先有得食嫁～
【INFO】
The Galley by Cafe Proud Wings
地址：大角咀嘉善街39號地舖
營業時間：
星期一至六 12:00 – 22:30
星期日 12:00 – 21:00
公眾假期 17:00 – 21:00
公眾假期前夕 12:00 – 22:30
相關文章：
阿仙奴球迷必去足球主題Cafe 男人最愛的簽名球衣+閃卡牆
中環超夢幻黎巴嫩餐廳 窗口位可以望到大館仲有肚皮舞表演睇 ！
