10餸飯放題 | 相信大家平時可能都會食2餸飯或者係3餸飯，價錢實惠之餘又可以食到住家飯嘅味道，更係唔少打工仔糧尾救星！而最近傷心酸辣粉竟然推出10餸飯放題，一個價錢就可以任食10款小菜以及白飯，仲任飲老火湯、豆漿同熱茶，即刻入內文睇詳情啦！
圖片來源：官方圖片 | 撰文：Hedy
每次揀2餸飯或者3餸飯嘅時候，都會有選擇困難症，幾乎咩都想食！傷心酸辣粉推出「10餸飯放題」，用$49就食到10餸飯放題，包括臘味煲仔飯、千島沙拉骨、梅菜扣肉、麻婆豆腐、潮州蠔仔烙、鹹蛋黃雞中翼、泡椒炒牛肉等等。一個價錢除咗可以任食10款唔同嘅小菜同白飯之餘，大家仲可以任飲老火湯、豆漿同熱茶，超抵食！
10餸飯放題 |「10餸飯放題」地址
「10餸飯放題」提供60分鐘用餐時間畀大家，而且更係全日供應！大家都可以到傷心酸辣粉嘅粉嶺店同新蒲崗店試下，無論喺邊間分店，學生只需要穿著校服或出示有效學生證就可以用$49享用！而其他堂食人士就可以以$55/位（新蒲崗店）以及$58/位（粉嶺店）享用！
【INFO】 《傷心酸辣粉10餸飯放題》 分店： 1. 傷心酸辣粉(粉嶺) 價錢：堂食：$58/位 、學生$49/位* ；外賣：飯+餸$48/盒、淨餸 $58/盒 (外賣送紙包飲品及不設折扣) 營業時間：11:30-22:00 （星期日至四）；11:30-22:30 （星期五、六） 地址：新界粉嶺聯和道63號嘉和軒地下6號舖 電話：2598 9288 2.傷心酸辣粉(越秀廣場) 價錢：堂食：$55/位 、學生$49/位*；外賣：飯+餸$45/盒、淨餸 $55/盒(外賣送紙包飲品及不設折扣) 營業時間：11:30-22:00 （星期日至四）；11:30-22:30 （星期五、六） 地址：新蒲崗寧遠街9號越秀廣場地下G10-G11號舖 電話：26178038
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
