九龍香格里拉酒店麵包放題 | 抗拒唔到美味麵包嘅你，就一定要試試呢間五星級酒店全新推出嘅「日本匠藝麵包早餐放題」，唔使飛日本都食到日本工藝麵包，再配埋手沖日式咖啡，完美豐富你嘅復活節假期！
圖片來源：官方圖片 | 撰文：Hedy
麵包控必試！九龍香格里拉大堂酒廊推出期間限定「日本匠藝麵包早餐放題」，暢享各款麵包，搭配手沖日式咖啡無限添飲。酒店嚴選日本百年老舖麵粉 ✕ 法國頂級AOP牛油 ✕ 日本直送時令食材，匠心呈現日本工藝麵包20品，絕對可以令你感受到麵包嘅魅力～
麵包放題 | 復活節期間限定
現場除咗可以令你享受如白吐司、日式軟包、歐式麵包到酥皮類，當中包括迷你明太子法包、海鹽奶油麵包、日式白吐司及煙肉蛋酥餅等，開啟與別不同嘅味覺之旅。而部份麵包更係選用咗由日本直送嘅新鮮水果及其他食材，令你每一啖都享受到滿滿嘅日式風情，再加埋有得無限添飲嘅手沖日式咖啡，展開活力滿滿嘅一個早上～而活動更喺復活節期間限定，有興趣嘅朋友記得入手啦！
【INFO】 《九龍香格里拉酒店「日本匠藝麵包早餐放題」》 日期：2025年4月18日至21日 時間：早上8時至10時30分 價錢：每位HKD 188*（另加一服務費） 地點：九龍香格里拉大堂酒廊 立即預約：https://bit.ly/4jqZw23
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
