Charles & Keith嘅產品價錢親民，款式亦多變，無論係返工定出街休閒Look都總有一款袋啱女士用~ 為咗迎接春天嘅嚟臨，Charles & Keith推出2022年春夏系列，以色彩鮮豔嘅顏色作為主調，唔單止手袋款式，仲有多款鞋類！如果想換新手袋同新鞋，不如睇下呢個系列啱唔啱你哋喇！
圖片來源：Charles & Keith｜撰文：Sharon
Charles & Keith 2022春夏設計靈感嚟自重生、復始嘅啟發，粉嫩花花同清新粉彩色調為鞋系列襯托出滿滿嘅春意；包系列主打霧面質感Koa 包，以橘色、粉紅色、粉紫色、綠色為春季點綴出鮮明風格，色彩鮮豔嘅顏色就最迎合春夏呢個主題。今次仲邀請咗韓國女星Krystal擔任代言人，春季系列嘅主打包括 Koa 肩背包、單肩手提流浪包、Mae 厚底拖鞋、Alex 綁帶夾腳拖鞋。
1. Koa 方扣肩背包
2. Coda 單肩流浪包
馬鞍造型嘅設計，配以糖果色系超有春夏嘅感覺，無論係肩背定手提，兩種背法一樣咁好睇！如果接受到誇張少少嘅顏色，大家可以挑戰混色，春日感十足！
3. Aspen 金屬釦帶抓皺單肩包
今年依然好受大家歡近嘅單肩包，抓皺設計搭配金屬釦帶，抓皺嘅細節為手袋增添立體感之外，令成個造型感更加鮮明，仲有多達6隻色可以揀，一定有一隻色啱大家！
4. Mae 方釦帶印花厚底拖鞋
除咗手袋款，鞋款都好有春天嘅氛圍，彩色印花厚底拖鞋有增高效果，大膽前衛嘅顏色有冇人鍾意呢？
5. Alex 綁帶夾腳拖鞋
厚底係今年嘅熱潮，綁帶夾腳拖鞋最適宜迎接春夏，綁帶造型更增添女人味，仲利用環保材質搭配清新色調，係春季必備嘅鞋款啊！
6. Mae 復古厚底拖鞋
呢款鞋最啱懶人著，仲有埋厚底效果，小個子必愛，復古印花嘅設計，增添幾分懷舊又時髦嘅感覺～
7. Nori 瑪莉珍鞋
方頭瑪莉珍鞋透氣舒適，無論係出街、約會定去旅行都非常啱著，仲有充滿少女心嘅顏色可以揀！
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
