作為韓國女團成員，身材無時無刻都備受關注，只要身型唔夠其他成員瘦都有可能會畀人話肥！當中aespa中國籍成員 NingNing（寧藝卓）驚人嘅減肥轉變引起唔少人討論，初出道嘅圓圓嘅身型同臉上嘅Baby Fat都瞬間消失了！原來寧寧係用咗呢6招保持纖細嘅身材，即睇內文跟住一齊做啦！

圖片來源：網絡圖片、IG@imnotningning｜撰文：Sharon

剛出道時寧寧因為蘋果型身材，上半身會較壯實；蘋果型身材嘅脂肪主要集中於腹部及腰部，難以有腰線，所以睇落身型會較為厚壯！而減肥後嘅寧寧，無論係手臂、身型同臉上嘅嬰兒肥都有驚人嘅變化，即睇以下呢6個方法，跟住寧寧一齊減肥，想變瘦不再是夢！

方法1：222斷食法

每次新歌回歸期間，寧寧指自己會採用「222斷食法」，一日只會食一餐，2小時之內進食，之後22小時都會禁食！

方法2：食乳酪沙律/莓果乳酪

寧寧最鍾意食嘅乳酪沙律當早餐，仲有莓果乳酪。乳酪嘅益生菌可以改善腸道健康，而莓果包括藍莓、草莓則有豐富纖維，而且飽肚感十足！

方法3：紅豆薏米水

寧寧會以紅豆薏米水嚟排濕消腫！紅豆嘅纖維質含量十分豐富，能刺激腸胃蠕動，排出體內廢物、清理腸胃，幫助身體排毒。薏米水則能補充水分，能為人體提供能量，減肥超適合！

方法4：細嚼慢嚥

寧寧曾表示食嘢嘅第一啖係最幸福㗎！而且快速進食容易導致過量攝取，所以每次進食時，佢都會細嚼慢嚥，除咗有助腸胃消化，仲可以讓大腦接收到飽足感嘅信號，能有效地控制食量，對減肥非常有用！

方法5：重訓運動

減肥除咗從飲食著手，運動都十分重要！除咗跑步，寧寧更會做重訓，並針對上半身嘅訓練，主要鍛煉肩部、後背、手臂同胸部肌肉，令佢嘅肩背線條更加分明！

方法6：多飲水

每日攝取足夠嘅水分，能有助於皮膚修復與代謝速度，加速新陳代謝，減肥過程中都要多飲水！

——————————————————

Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk