減肥一直都係各位貪靚女仔嘅終身事業，無論係幾天生麗質，後天唔努力做運動再加上唔忍口，都一定會開始囤積脂肪慢慢變肥！疫情底下少左運動，唔想夏天無得著靚衫，今次小編就係網上見到凍齡美魔女黎姿嘅減肥餐單教學，現時49歲嘅佢係早年仲成為左醫學美容中心嘅CEO～ 凍齡有道嘅佢無論係皮膚定身形都Keep得超級好。
按照佢嘅減肥餐單，只需要連續食5日同堅守4大原則，就算一日食4餐都可以成功減磅。想知先可以點食出苗條身材就繼續睇到最後啦！
圖片來源：IG@gigilai_official、小紅書@黎姿｜撰文：Candice
Gigi分享嘅減肥餐單有兩款，主要都係靠減脂黎達到瘦身效果，就算食足早、午、晚同下午茶四餐，只要堅持盡量唔食油、糖、麵粉同酒精等4大原則，一樣可以唔係餓住就可以減肥。而家即刻save低啦！
黎姿健康減肥4大守則 想減肥唔一定要捱餓
1. 多喝水
飲水有助排毒和燃燒脂肪；不要等到口渴先飲，要養成定時補水嘅習慣，同時仲可以去水腫！
2. 選對食材
捱餓減肥除左會養成易胖體質，仲好容易復胖，其實揀岩食材，一樣可以健康減肥，肚餓時可吃烚蛋一隻。
3. 少吃多餐
少吃多餐係好好嘅減肥方法，最重要係每餐份量唔可以多，盡量少油鹽糖同麵粉類，都唔可以飲酒。
4. 適量運動
無論任何減肥方法，配合適量運動都會有更好嘅效果，「肌肉」係女仔最好嘅塑身衣，夠Firm除左著衫好睇仲可以保護骨骼。
而係堅守佢呢4大原則嘅情況下，佢亦公開左自己平時嘅飲食餐單，大家而家即刻一齊學啦！
黎姿健康減肥餐單Day1
早餐：麥片1碗、蘋果或橙一個
午餐：南瓜湯1碗、青瓜帶子沙律1份
下午茶：藍莓奇亞籽乳酪、米餅
晚餐：苦瓜蒸魚1份、青菜豆腐湯
黎姿健康減肥餐單Day2
早餐：麥皮一碗、蘋果一個、雞蛋一隻
午餐：蔬菜沙律一份（可加適量醋和一茶匙欖欖油）、煎魚一份（掌心大小）
下午茶餐：車厘茄一杯（約十多粒）、番薯一條
晚餐：豆腐蒸蛋、魚肉釀茄子、冬瓜湯
黎姿健康減肥餐單Day3
好多人以為食水果餐就可以瘦，其實就算係揀水果都要揀比較低糖，例如健康又有排毒作用嘅無花果；鍾意食甜野的話，都要盡量用豆奶代替牛奶，從而減少更多卡路里。
餐：麥皮一碗（可加少量有機糖調味）、無花果一個
午餐：露筍一碟、芝士番茄焗豬扒飯、紅豆薏米水
下午茶：藍莓乳酪一杯
晚餐：大蝦沙律（3隻大蝦，可加醋拌勻）
甜品：木瓜杏仁露（以豆奶代替牛奶）
黎姿健康減肥餐單Day4
早餐：豆奶雞蛋麥皮一碗、無花果一個
午餐：紅菜頭湯、雞肉沙律、
下午茶：水果乳酪一杯
晚餐：竹笙、乾瑤柱煮清菜、青紅蘿蔔湯
甜品：紅豆湯
黎姿健康減肥餐單Day5
Gigi建議口痕時可以用原味杏仁做零食，杏仁有美肌作用，減肥美顏一次過！
早餐：豆奶麥皮一碗、橙一個
午餐：牛油果雞肉沙律、紅菜頭湯
下午茶：紫薯糕兩件、咖啡一杯、杏仁6粒
晚餐：魚肚蘿蔔炒魚蛋、節瓜瘦肉湯一碗
甜品：燉豆奶一杯
除左分享餐單，Gigi仲比左唔少tips，如真係好餓可以再加1顆烚蛋、大餐同減脂餐平衡一下膳食結構，運動方面盡量步行8000步，每日攝入嘅卡路里控制係1200內成效會更好！大家都快d跟住試下睇下有無效果啦～
相關文章：
【女明星都大推的Zumba舞瘦身大法！楊丞琳/小S/王心凌也是靠它瘦 嚴選5簡單易學極速燃脂大熱影片】
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
