又到一年一度嘅聖誕節，相信大家開始著手準備聖誕禮物，給親朋好友一個驚喜。好多大品牌都陸續推出2023年聖誕倒數月曆（Advent Calendar），每一格都裝住精美抵用嘅美妝香氛等產品，送俾女士們就一定最適合不過！想知有咩精選大品牌聖誕倒數月曆、產品同購買方法，就要留意以下情報喇！
圖片來源：The Body Shop、Borghese、Sabon、Dior、Jo Malone、YSL、L’occitane、ASOS、Sephora、La Mer | 撰文：Icy
10款聖誕倒數月曆 | 1. The Body Shop
主打身體護理產品嘅The Body Shop，推出3款主題聖誕倒數月曆，包括基本限量版、尊貴限量版、以及奢華限量版，每一個抽屜都充滿唔同皇牌產品驚喜，由頭到腳都適用。倒數月曆價錢由$799起，當中包括潤手霜、沐浴乳、沐浴球、潔面啫喱、身體磨砂膏、水盈嫩肌面膜等二十多件產品，以高效天然成份製作，有多款果味及花香味，幫你放鬆舒緩身體。
【INFO】 The Body Shop聖誕限量版倒數月曆 價錢：$799（價值$1,537） The Body Shop聖誕限量版尊貴倒數月曆 $1,099（價值$1,962） The Body Shop聖誕限量版奢華倒數月曆 $1,599（價值$2,927） 購買連結：https://bit.ly/4703SY6
10大聖誕倒數月曆 | 2. Borghese
意大利水療護膚品牌Borghese首度推出「Dolce Far Niente」（漫活幸福法）佳節幸福之門聖誕倒數月曆，包裝印上金光閃爍嘅聖誕樹圖案，充滿節日歡樂氣氛。包裝上嘅5色泥漿，原來係代表5種意大利獨特嘅漫活幸福法，分別包括重視家庭傳統價值、愛自己嘅生活態度、充滿能量嘅澎湃熱情、真實面對自己及別人嘅赤誠之心及意大利人熱愛於節日分享禮物嘅習俗。聖誕倒數月曆價錢為$985，一共24個驚喜格子，包括皇室活水精華、膠原緊緻眼膜、活膚再生精華水、泥漿面膜等等，提供舒適嘅at-home spa意式療膚體驗！
【INFO】 Dolce Far Niente佳節幸福之門聖誕倒數月曆 價錢：$985（價值$3,125） 購買連結：https://bit.ly/469F6Ui
10大聖誕倒數月曆 | 3. Sabon
Sabon嘅身體護理產品以迷人香氣為名，而今年推出嘅聖誕倒數月曆，以夜空及神秘花園作包裝設計，禮盒充滿藝術風格。倒數月曆價錢為$1,280，共有24件精美實用嘅護膚產品，例如身體磨砂膏、磨砂面膜、潤手霜、沐浴乳、天然洗髮露等等，用後可令肌膚更柔嫩，全身散發醉人香氣。
【INFO】 Sabon限量版倒數日曆 價錢：$1,280 購買連結：https://bit.ly/47u0rsH
10大聖誕倒數月曆 | 4. Dior
貴婦品牌Dior推出LE 30 MONTAIGNE聖誕倒數月曆，白金色嘅包裝印有巴黎蒙田大道30號總店外牆嘅精緻圖騰，打開之後，杜樂麗花園嘅美麗景致就會映入眼簾，淨係個包裝都已經值得收藏！聖誕倒數月曆價錢為$5,300，一共有24款精選迷你版產品，包括香薰蠟燭、彩妝、花蜜再生精華油及護膚乳霜等，充滿奢華感！
【INFO】 Dior LE 30 MONTAIGNE聖誕倒數月曆 價錢：$5,300 購物連結：https://bit.ly/3SzPfXe
10大聖誕倒數月曆 | 5. Jo Malone
名貴香水品牌Jo Malone亦趁聖誕節推出聖誕倒數月曆，以薑餅童話世界為設計概念，包裝簡約得體。價值$4,380嘅聖誕倒數月曆含有多款皇牌香氣產品，例如白苔與雪花蓮古龍水、英國梨與小蒼蘭古龍水、薑餅古龍水、苦橙古龍水等，有選擇困難嘅你就唔使煩惱，一次過擁有咁多種醉人香氣。溫暖嘅木調香氣好切合冬季聖誕主題，為你哋心愛嘅人送上暖意！
【INFO】 Jo Malone聖誕倒數月曆 價錢：$4,380 購物連結：https://bit.ly/3StzmBA
10大聖誕倒數月曆 | 6. YSL
YSL嘅聖誕倒數月曆走高級奢華路線，一直都深受各大女士們喜愛。純白禮盒上印有閃亮嘅鎏金色雪花圖騰，充滿冬日感覺，極具收藏價值。價值$2,500嘅聖誕倒數月曆以24格抽屜設計，涵蓋各款YSL皇牌產品，包括5件貨裝產品，18件迷你試用裝，仲有1件驚喜禮品，好適合送禮製造驚喜！
【INFO】 YSL聖誕倒數月曆 價錢：$2,500 購物連結：https://bit.ly/3QSaxNp
10大聖誕倒數月曆 | 7. L’occitane
鍾意儀式感但又唔捨得買咁貴，一定要留意呢一款。主打身體潤膚產品嘅L’occitane，推出一共24個格子，於法國製造嘅聖誕倒數月曆，更與英國藝術家Steven Wilson合作，以大自然元素，設計出充滿復古風格嘅包裝。倒數月曆價錢只需$590，包含多款實用皇牌個人護理產品，例如乳木果潤手霜、杏仁緊膚乳、蠟菊極致修護精華霜、金鈕扣護膚皂、草本療法修護洗髮水等，呵護你全身肌膚。
【INFO】 L'occitane聖誕倒數驚喜日曆 價錢：$590（價值$1,345） 購買連結：https://bit.ly/40yMdnX
10大聖誕倒數月曆 | 8. ASOS
外國購物平台ASOS嘅聖誕倒數月曆每年都極受歡迎，今年推出一共25個格子嘅聖誕倒數月曆，只需約港幣$1000就可以擁有多件人氣專櫃美妝護膚產品，例如The Ordinary透明質酸面部精華乳霜、MAC Fix+定妝噴霧、Cetaphil舒特膚皇牌潤膚乳液、Caudalie潔面啫喱、NEOM香氛蠟燭等，大部份都係完整貨size，非常吸引！
【INFO】 ASOS Face + Body 25 Day Advent Calendar 價錢：約港幣$1000 購買連結：https://bit.ly/3u1DCxS
10大聖誕倒數月曆 | 9. Sephora
Sephora推出嘅聖誕倒數月曆，一共有24款自家品牌產品，包括化妝品、護膚品、沐浴產品、指甲油、唇膏及配飾等，只售$530，仲要買三送一，性價比好高。一於趁聖誕節買俾自己同屋企人，獎勵大家呢一年所付出嘅努力啦！
【INFO】 Sephora The Future Is Yours Advent Calendar 價錢：$530 購買連結：https://bit.ly/47tgDKO
10大聖誕倒數月曆 | 10. La Mer
如果你需要畀皮膚享受貴婦級呵護，La Mer推出限量版聖誕倒數月曆禮盒就好適合。呢款月曆價錢為$4,480，包含12款奢華修護產品，驚喜連連，例如有肌底修護液、眼部精華乳霜、修護唇霜、身體修護乳霜、卸妝潔膚水、精華面霜等。產品以天然海藻配方製作，令肌膚恢復健康平衡，水潤細嫩。喺官網購物滿指定價錢，仲可以享有好多不同折扣及贈品，好抵買！
【INFO】 La Mer限量版聖誕倒數月曆禮盒 價錢：$4,480（價值$6,060） 購買連結：https://bit.ly/3QRDIRL
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
