直髮夾推薦 | 無論係長髮定短髮嘅女仔，每朝起身都可能要面對頭髮凌亂毛躁嘅問題。市面上有林林總總嘅造型直髮夾，究竟邊款耐用之餘又唔傷髮質呢？貪靚嘅小編就為大家介紹8款高質直髮夾品牌，唔單止塗層不傷髮，部份仲可以直曲兩用，等你出門前快速整理好頭髮，日日轉造型都得，最平只係$285咋，各位女仔快啲bookmark喇！
圖片來源：Ghd、Glampalm、Amika、Dyson、Salonia、Quico、BaByliss、Vodana | 撰文：Icy
直髮夾推薦 | 1 – Ghd Platinum+專業智能造型夾
來自英國嘅Ghd係好多專業髮型師嘅愛用品牌，當中Platinum+專業智能造型夾特別在於溫度只會維持係最佳熱力185°C，有效防止髮絲折斷以及維護髮色完整度。佢嘅外型設計非常圓滑，發熱板可以多角度咁準確對位，輕鬆造出多款持久曲髮造型，順滑毛躁頭髮，對於直髮夾使用新手嚟講十分友好！
【INFO】 Ghd Platinum+專業智能造型夾 國際電壓：全球通用 溫度調節：185°C 預熱時間：18秒 價錢：約$1699 購買連結：Ghd
直髮夾推薦 | 2 – Glampalm GP202 專業造型夾
韓國品牌Glampalm同樣適合新手使用，佢嘅造型夾具有弧形發熱板，無論拉直或夾曲頭髮都得。如果頭髮比較扁塌，亦可以運用直髮夾令髮根變得更蓬鬆。預熱速度為25秒，陶瓷浮動發熱板可以減低頭髮所受嘅熱力傷害，以及避免扯斷頭髮。而溫度有11段選擇，所以對於漂染受損髮質嘅女仔嚟講，唔需要擔心難以造型！
【INFO】 Glampalm GP202 專業造型夾 國際電壓：110-220V 溫度調節：100-200°C 預熱時間：25秒 價錢：約$1680 購買連結：Glampalm
直髮夾推薦 | 3 – Amika Titanium Styler直髮板
Amika嘅鈦金屬直髮板雖然價錢比較貴，但拎上手十分輕盈，加上全球通用電壓，拎去staycation或者去旅行都好方便。當中負離子技術可以避免加熱時會抽乾頭髮水份，鎖緊角質層，保持髮質滋潤順滑。而Amika直髮板嘅造型持久力好高，朝早只要輕輕夾順頭髮，已經可以維持一整天嘅造型，唔使驚頭髮飛起凌亂！
【INFO】 Amika Titanium Styler直髮板 國際電壓：全球通用 溫度調節：100-230°C 預熱時間：少於1分鐘 價錢：約$2780 購買連結：Amika
直髮夾推薦 | 4 – Dyson Corrale™直髮造型器
Dyson一向都係直髮夾界嘅愛馬仕，當中Dyson Corrale™直髮造型器特別在於擁有包覆式彈性面板，除咗讓使用者更容易控制，均勻夾住頭髮，亦含有負離子技術以減少靜電，有效避免頭髮受高溫傷害。另外經常去旅行嘅女仔要注意，呢部直髮夾充滿電後，仲可以係無線狀態下使用，而且易於收納，以後去旅行都可以日日轉造型啦！
【INFO】 Dyson Corrale™直髮造型器 國際電壓：全球通用 溫度調節：165℃、185℃或210℃ 預熱時間：30秒 價錢：約$3980 購買連結：Dyson
直髮夾推薦 | 5 – Salonia二合一直曲兩用造型夾
日本品牌Salonia除咗外型精美，有多款顏色選擇，仲將直髮板同捲髮棒二合為一，非常容易上手，可以輕鬆轉換造型。而且價錢好便宜，最抵只需大約$285一枝。國際電壓為100至240V，溫度調節為100至220°C，大概30秒就成功預熱，加上配有陶瓷塗層，有效防止頭髮受損。重點係Salonia十分耐用，具有360°迴轉電線，造型時操控自如，小編實證用咗五年都仲未壞，所以性價比好高！
【INFO】 Salonia二合一直曲兩用造型夾 國際電壓：100-240V 溫度調節：100-220°C 預熱時間：30秒 價錢：約$285 官方網站：Salonia
直髮夾推薦 | 6 – Quico 2合1多功能造型器
另一個實惠直髮夾品牌就係來自香港嘅Quico，同樣具備直曲髮二合一嘅功能，預熱時間只需18秒，幫你快速整理頭髮。造型器溫度可選170°C、190°C或210°C，具有負離子及蒸汽功能，有助滋潤頭髮，減少毛躁，加上360°C迴旋電線，可輕鬆操作。而呢款造型器價錢只需$499一枝，仲會包一年保養添！
【INFO】 Quico 2合1多功能造型器 國際電壓：220-240V 溫度調節：170°C、190°C或210°C 預熱時間：18秒 價錢：約$499 購買連結：Quico
直髮夾推薦 | 7 – BaByliss Titanium Expression直髮夾
BaByliss Titanium Expression直髮夾價錢同樣唔過$1000，只需大概$780就可以擁有專業salon級造型器。加熱時間只需15秒，溫度可調校至235°C，令頭髮造型更持久。由於佢具有弧形鈦金屬板設計，所以一枝直髮夾就可以做出直髮、微捲或者大波浪等多種髮型，啱晒想日日轉換形象嘅女仔！
【INFO】 BaByliss Titanium Expression直髮夾 國際電壓：全球通用 溫度調節：180-235°C 預熱時間：15秒 價錢：約$780 購買連結：BaByliss
直髮夾推薦 | 8 – Vodana柔滑直髮夾
最後呢款由《女神降臨》女主角文佳煐代言嘅韓國品牌直髮夾Vodana，只售大約$530，而且具備彈性cushion夾板，方便造出柔滑直髮或浪漫大波浪髮型，令髮型自然唔會起直角。直髮夾採用陶瓷燙版設計，可快速順滑頭髮，以及減低對頭髮造成熱力傷害。預熱時間大概為30秒，具有五段溫度調節，適合唔同髮質嘅朋友！
【INFO】 Vodana柔滑直髮夾 國際電壓：全球通用 溫度調節：120-200°C 預熱時間：30秒 價錢：約$530 購買連結：Vodana
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
