以前舊時代對女性嘅標準係要賢良淑德，全身心投入家庭，依靠男方生活，但依家社會進步，男女平等觀念嘅倡導，加上新世代女性變得經濟獨立、生活獨立，令現代女性嘅擇偶條件有新指標，唔再幻想王子嘅出現，自己做自己嘅女王！等小編今日同大家探討下現代女性嘅3個擇偶條件啦！
圖片來源：網絡圖片｜撰文：Claudia
擇偶條件1 – 唔影響自己嘅生活節奏
現代嘅獨立女性通常可以將自己照顧得好好，有自己嘅生活節奏，打造自己鍾意嘅生活環境，但係一旦陷入一段關係之中，自己嘅生活節奏就好容易被打亂，特別係當另一半行為唔成熟，行事衝動，經常影響到自己生活！所以現代女性會希望自己對方成熟、獨立，對自己嘅人生有規劃！佢哋會選擇價值觀相似嘅人，重視關係平等，互相尊重，自己有自己嘅生活重心先係最重要！
擇偶條件2 – 拒絕情緒勒索
唔知道大家有冇被「情緒勒索」過呢？一段關係之中好容易出現以愛之名嘅情緒勒索，大大小小嘅事係不知不覺之間都喺對方嘅掌控下，無辦法拒絕對方，所以經常喺關係入面犧牲自己，不斷讓步，最終失去自我！對於獨立嘅女性而言，一段關係最重要係兩個人都可以成為更好嘅自己，共同成長！佢哋追求健康嘅關係，清楚知道對方如果真係愛自己，就會接受原本嘅自己，而唔係不斷想改變自己！
擇偶條件3 -有儀式感
如果身邊嘅另一半對生活提唔起勁，冇任何興趣，冇人生目標嘅話，其實會間接影響到自己嘅心情同步伐，導致自己對生活都冇咗熱誠！所以獨立嘅女性希望對方係熱愛生活嘅人，生活有儀式感，可以更加有效經營關係，維持新鮮感，即使幾忙碌嘅生活，對方都可以成為自己平凡日子裏面嘅一道光，令你成為最好嘅自己！
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
