消委會唇膏 | 唇膏可以令你氣色變得更好，相信每位女士都一定會有幾支唇膏喺身上！不過近日消委會測試30款唇膏同唇釉，發現過半唇膏含可致敏重金屬。同時亦有8成樣本檢出有害物油物質「MOSH」或具致癌風險嘅礦物油物質「MOAH」，化開妝嘅女士可以選擇以下呢6款安全之選！
圖片來源：消委會、各品牌官方網站| 撰文：Hedy
消委會檢測市面上30款熱門唇膏，當中包括23款傳統支裝唇膏以及7款唇釉或液體唇膏，價錢由$65至$505不等。當中24款樣本檢出可能積累於人體嘅礦物油飽同碳氫化合物(MOSH)混合物及礦物油芳香碳氫化合物(MOAH)，總量由1.14%至24%不等。
MOSH容易積累於人體內
MOSH混合物有部分可能會積累喺人體體內，有動物研究指出，呢啲物質同肝臟肉芽腫形成有關。於人體研究方面，特定鏈長範圍（C16至C35）嘅MOSH較大機會積累喺肝臟、淋巴結同脂肪等唔同嘅組織，長遠對人體嘅影響仍有待研究。MOSH為積累於人體最多嘅污染物，使用含有礦物油成分嘅唇膏可能係重要嘅攝入源頭之一！據海外研究指出，當每日使用唇膏，經由口服途徑一日就已經可能攝入57毫克唇膏，每年就有機會因爲咁而吞咗20.8克，相等於5枝唇膏嘅份量。測試結果發現有4款樣本嘅長鏈MOSH含量超過10%，未能符合歐洲消費者組織建議嘅安全限值。
同時亦發現有5款樣本短鏈MOSH含量超過5%！MOAH部分被懷疑具有基因毒性及致癌性，雖然今次樣本檢出嘅MOAH並無致癌疑慮，但研究仍建議盡量減少攝入相關物質。測試當中有5款唇膏檢出MOAH，總量由0.06%至0.96%不等，消委會建議消費者應避免選用任何檢出MOAH嘅唇膏。
6款唇膏未被檢出MOSH以及MOAH
每日都會搽唇膏嘅女士們，揀選唇膏顏色固然重要，但都一定要揀啲安全放心嘅選擇！是次30款測試產品中，只有1款傳統支裝唇膏以及5款液體唇膏樣本完全沒有檢出MOSH和MOAH，當中包括：
1. DIOR鏡光誘惑唇膏（527 Atelier）
Dior鏡光誘惑唇膏含90%天然成分，以鮮明亮麗嘅色調再加上其配方注入具保濕功效嘅茉莉花蠟，打造持久妝效。當中嘅527號為暖調白桃玫瑰色，展現優雅感！無論任何膚色都可以輕鬆carry，出席任何場合都啱用，超百搭！
售價：$370
2. TOM FORD Liquid Lip Luxe Matte （120 Naked Haze）
TOM FORD推出Liquid Lip Luxe Matte，含黑玫瑰提取物，只需要輕輕一掃上嘴唇上，便能展現持久嘅唇色，只需要一次輕掃，有助撫平唇紋，塑造充滿活力、持久嘅純色。120 naked haze以通透杏仁粉紅色呈現健康色澤，成功打造偽素顏感！
售價：$505
3. clé de peau啞緻潤澤唇釉 （111 Chocolate Cosmos）
clé de peau啞緻潤澤唇釉主打唇色持久，能緊貼雙唇達8小時！其獨有絲滑如奶油嘅質感，再加上具特別設計角度嘅唇釉掃頭，令你輕易畫上出色唇粧，打造獨特啞緻色調。
售價：$390
4. NARS空氣絲絨唇釉 （SEX KITTEN-317）
唇釉為凝膠狀配方，同時添加了雲霧柔化複合物，讓你輕易順滑塗抹之餘，更能淡化唇部瑕疵，打造出啞緻霧面妝效，展現柔軟豐滿雙唇！
售價：$260
5. Excel柔滑絲絨啞緻唇釉（LV02 Buttercup）
Excel柔滑絲絨啞緻唇釉，除咗可以打造出零粉感嘅「罕見啞光感」唇妝，更能令持妝效果更久。當中更添加3種精華液成分，讓唇部每刻都充滿滋潤與亮麗色彩！
售價：$145
6. Charlotte Tilbury極緻柔霧唇釉 （經典裸粉）
Charlotte Tilbury唇釉采用POWDER BLUR柔焦技術，能達到即時霧化平滑唇紋，呈現出完美啞光效果。同時又添加了透明質酸，讓唇部保持24小時飽滿水潤 ！
售價：$290
7款樣本檢出香料致敏物
消委會亦從是次測試中發現，有8款樣本檢出2至3種可致敏重金屬相等或高於1mg/kg 嘅建議水平。同時有7款樣本檢出香料致敏物，總量由0.0030%至0.32%不等。當重複使用含常見嘅致敏物鎳和鈷等產品，經由皮膚接觸後則有機會引致過敏性接觸性唇炎，容易出現乾燥、脫皮及刺痛等感覺，所以大家購買唇膏嘅時候，都要記得特別留意成份同香料！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
