女仔要煩嘅事情真係有好多，尤其係皮膚唔好但係又要化妝嘅時候遇上浮粉嘅情況就更加勞氣！小編今次就想同大家分享三個實用浮粉補妝技巧，由其秋冬季節，肌膚容易敏感同乾燥，想知有啲咩秘訣碌落去睇吓啦！
圖片來源︰網上圖片、ESTEE LAUDER、ETTUSAIS｜撰文︰Debbie
點解會浮粉？
出現浮粉問題最主要原因，係因為底妝產品塗喺偏乾嘅臉部後，肌膚太過乾燥無辦法同肌膚融合，所有粉底就會堆積喺肌膚表層嘅紋理，卡住角質同毛孔邊緣，令塊臉部睇落好似甩皮同唔夠平滑。
不浮粉底妝小技巧（一）- 做好保濕程序！
保濕對任何年紀嘅女仔都非常重要！只要做好保濕，就可以抑制皮脂分泌過剩仲可以改善肌膚乾燥嘅問題。好多時不論男仔定女仔，洗完臉有時都會懶得做保濕，但都係建議大家做好肌膚保養！因為靚嘅肌膚係要時間培養，如果係新手開始保養可以由敷Mask做起，再入手保濕化妝水/精華液等令臉上皮膚保持彈性！
不浮粉底妝小技巧（二）- 粉底要平均薄擦
粉底擦太厚會容易浮粉，但就算遮唔住所有瑕疵，都可以用粉底液提亮膚色、遮蓋毛孔！建議大家用粉撲、美妝蛋、海綿類等道具，慢慢按壓上妝，咁一嚟粉底就可以融入肌膚從而提高服貼度。
不浮粉底妝小技巧（三）- 善用遮瑕產品
無法用粉底完全隱藏嘅部分，要善用遮瑕產品嚟掩蓋！相比起粉底，遮瑕產品更能夠調整顏色、而且擁有優秀嘅貼合性同快乾性，只要適當使用，就不需要塗上厚厚嘅粉底，浮粉嘅情況亦會越嚟越小。
睇完你哋肯定會想問，究竟邊款妝前乳或者粉底液啱自己呢？小編就有呢幾款推介俾大家！
推薦妝前乳（1）- 油性肌適用：CEZANNE保濕隔離妝前乳 SPF28 PA++
CEZANNE嘅妝前乳推薦油性肌膚使用。呢款妝前乳能夠遮蓋凹凸不平嘅毛孔，也都可以抑制皮脂分泌維持粉底乾爽。效果持久仲可以長時間維持妝感，係一款油性肌女生可入手嘅商品！
推薦妝前乳（2）- 混合肌適用：Ettusais 毛穴控油修正液
呢款局部用妝前乳推薦混合肌朋友使用。混合肌嘅女生有啲部位會分泌皮脂，而呢款妝前乳只需用刷子直接塗喺會出油的部位就可以喇。刷子方便塗抹特定部位，連毛孔都可以確實遮蓋！
推薦粉底液（1）- MAYBELLINE NEW YORK：FIT ME反孔特霧粉底液
冇重妝感，喺遮瑕嘅同時都能夠維持裸肌感！呢款粉底液亦都擁有乾爽嘅完妝感，如果事前有做好保濕再使用，相信就可以打造唔浮粉嘅靚靚妝容啦！
推薦粉底液（2）- ESTEE LAUDER：Double Wear持久防曬粉底液
另一款要推薦嘅不浮粉粉底液就係ESTEE LAUDER嘅皇牌產品。雖然係粉底液，但就算唔用定妝粉都可以呈現半霧面妝感！由於服貼度高、乾燥速度快，因此使用秘訣就是快速地塗抹開，網友推薦度亦非常高㗎！.
【相關文章】聖誕倒數月曆2021合集！最平唔使$400就可以入手！
