保濕係肌膚保養嘅基本之道，保濕不足會令皮膚失去彈性，甚至出現毛孔粗大、乾紋等問題 。如果想保持肌膚最佳狀態，就要學識正確有效嘅保濕護膚方法，一齊睇睇以下5招正確方法養成水潤肌膚啦！
圖片來源：網絡圖片、IG@iu_leejieun516、IG@kyo1122 ｜撰文：Hedy
保濕護膚第一招：使用溫和嘅洗面乳
建議選用較溫和滋潤嘅洗面乳，因為一啲清潔力較強嘅洗面乳會容易破壞皮膚表面嘅皮脂膜，加速水分流失，令到皮膚乾燥老化，産生細紋！
保濕護膚第二招：補水黃金三十秒
洗面後要趁角質層含水量仍處於較高的黃金三十秒內即時進行 「補水」！因為呢個時候嘅角質層係最容易吸收養分，同時好快變乾。首先將化妝水均勻地拍在臉上，令臉部變得水潤後，令後續嘅護膚品更好地吸收。若想再進一步保濕嘅話，可以用化妝棉浸透化妝水後在面上濕敷 10 分鐘，就可以加強補水同時軟化角質層，令保濕功效事半功倍！
保濕護膚第三招：勤敷保濕面膜
敷保濕面膜係必備嘅保養程序之一，建議次數至少一星期兩次，每次時間約 15-20 分鐘。如果等到成塊面膜乾哂先拎走，水分已經蒸散，根本做唔到保濕嘅效果，敷完面膜後如果有剩餘嘅精華仲可以輕輕按摩臉部促進吸收。
保濕護膚 第四招：擦上乳液或乳霜鎖住水分
鎖住水分係保養程序最後嘅重要關鍵，我哋可以透過乳液或乳霜嚟加強角質層嘅鎖水功能，相當於係肌膚表面覆蓋咗一層保護膜，令前續 護膚品嘅水分同營養唔會輕易流失。咁樣嘅保濕工作先算係大功告成！
保濕護膚 第五招：每日攝取足夠嘅水分
長期留係冷氣房好容易導致肌膚乾燥，所以要特別注意多飲水，為身體提供充足嘅水分。建議每天飲用最少 2000 毫升嘅水，從內到外為肌膚補水，養出水潤肌膚！
睇完以上嘅日常保濕方法，你平日又做得啱唔啱？
相關文章：【 5大品牌Foreo、NuSkin、Panasonic邊款最好用？附使用小貼士！】
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
