想徹底清潔肌膚，洗面機係不二之選，但坊間推出越嚟越多唔同型號同牌子嘅洗面機，今次為大家介紹5部好用又實用嘅洗面機，包括熱門品牌foreo、NuSkin、Panasonic等，仲會同大家分享使用洗面機嘅小貼士，想知道 洗面機推薦 有邊幾款？咁就要繼續碌落去睇內文喇！
圖片來源：官方圖片、網絡圖片、IG@yoona__lim｜撰文：Sharon
洗面機推薦1. FOREO – LUNA™3
最多人推薦嘅FOREO洗面機，最新一代矽膠洗面機為「FOREO LUNA™3」，刷頭面積更大，刷毛更長更柔軟，能去除99.5%嘅皮膚污垢同油脂，比起用手清潔仲有效！唔單止可以幫你清洗污垢、油脂、去除深層雜質，減少爆痘嘅可能，仲可以為你按摩面部，促進微循環使膚色更明亮健康。除此之外，FOREO LUNA™3洗面機有16種動力級別嘅按摩程序可以選擇，只需要透過通過FOREO APP按摩程序就可以，滿足唔同肌膚需要！
使用方法如下：
Step 1：使用「FOREO For you」應用程式解鎖洗面機並註冊保養。（下載應用程式連結：https://bit.ly/3QjkWjo）
Step 2：搽上洗面奶到臉上，再沾濕 LUNA™3，然後開啟電源。
Step 3：將LUNA™3喺臉部打圈，輕輕按摩，再沖洗泡沫，建議大家呢個步驟唔好用超過1分鐘。
Step 4：將精華搽喺乾燥嘅皮膚，再透過「FOREO For you」應用程式選擇緻按摩程度。
【INFO】
洗面機推薦2. NU SKIN – ageLOC LumiSpa® iO
NU SKIN ageLOC LumiSpa® iO唔單止係一部洗面機，同時係智能美容儀。利用微脈動反旋科技，幫助維持健康嘅肌膚蛋白，再配合特定嘅振動頻率及毛孔泵壓式運動，煥膚淨化肌膚，令肌膚光滑柔嫩。另外，仲可以清除污垢、油脂與彩妝，有效潔淨並細緻毛孔。
仲有專屬嘅淨膚露可以使用，適用於不同膚質，包括乾性、中性至混合性、 油性、敏感性及痘痘肌膚，能深層淨化並促進肌膚活力，令肌膚細緻彈滑！
【INFO】
洗面機推薦3. Panasonic – EH-SC65 綿密泡沫潔面器
Panasonic EH-SC65 綿密泡沫潔面器有「泡沫潔淨」同「溫感卸妝」模式，深層清潔阻塞毛孔污垢、死皮細胞及殘餘妝容。有自動製泡功能，配合潔面產品可以輕易形成綿密泡沫，減低潔面時對面部嘅磨擦，適合敏感肌膚使用！另配備潔面按摩滾珠，潔面同時按摩。
另外，EH-SC65 綿密泡沫潔面器嘅溫感卸妝頭有2段溫度調節（約43°C及48°C），再加上卸妝產品，更有助卸妝！由於全機防水，所以一邊淋浴，一邊使用都完全冇問題～
使用方法如下：
【INFO】
洗面機推薦4. ReFa – CLEAR 清透潔面儀
ReFa – CLEAR 清透潔面儀採用世界首創嘅3D聲波離子技術，只需輕柔在肌膚上滑動，就能徹底去除肌膚表面角質同積聚喺毛孔內嘅污垢，唔會對肌膚造成負擔！另外，活用離子技術至最大功效，導出積聚嘅毛孔污垢同殘留彩妝，防止污垢再次黏附。
三種模式提供：
- Soft 溫和洗淨輕柔模式：適合早上潔面或第一次使用嘅人士。
- Clean 徹底洗淨清潔模式：最適合出咗成日街返到屋企使用，或用於卸妝後。
- Deep 深層清潔模式：局部用於 T-zone, U-zone & 鼻翼等範圍。
【INFO】
洗面機推薦5. MOEZ EVA 氣泡嫩膚潔面美容儀
MOEZ EVA 氣泡嫩膚潔面美容儀具有美白、淨化毛孔、活膚修護及深層導入等功能，適合任何肌膚人士使用，包括敏感肌。你可以選擇多達28種護膚模式、16種潔淨級別、3種微細泡泡潔淨級別同3種按摩級別，只要下載 MOEZ EVA應用程式就可以設定潔膚、按摩、護膚等個人化護理療程。喺敷面膜、塗抹護膚精華時，再配合埋8K金屬按摩頭嚟按摩，更有助使護膚品滲透到肌膚底層！
此外，MOEZ EVA亦能按摩眼部肌膚，有助增加血液循環、減淡黑眼圈、眼袋及幼紋。
【INFO】
介紹完咁多款洗面機，大家都要記得要正確使用先可以將洗面機嘅功效發揮至最好，以下嘅小貼士記得要留意啦！
- 每次使用嘅時間唔可以太長，避免過度清潔損傷肌膚，建議控制於1至2分鐘內完成；亦都唔可以每天使用，一個星期唔好使用超過3次！
- 使用時盡量輕輕力使用，因為洗面機只需利用震盪等功能就可以清潔皮膚，過力會令面部皮膚過量失去油脂。
- 定期更換刷頭，以保持衛生，建議3個月更換一次！
————————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
