肥胖係女士們最大嘅天敵，坊間亦都盛行唔少減肥法，但都需要一段時間先會有成效。最近日本出現咗一款新嘅減肥方法—「七號餐減肥法」，連日本妹都話減肥效果超好，唔單止可以快速瘦身、仲可以減少食量，想輕鬆減肥嘅女士們有福喇！
圖片來源：IG@shiya1920、IG@mabou12345、IG@utamaro1224、IG@moco___156、IG@sobani299｜撰文：Sharon
輕鬆減肥法 日本妹強烈推薦！
「七號餐減肥法」係根據人類飲食習慣，分成7種飲食方式。一號餐係想食幾多都可以，然後逐啲減少配菜；二號餐係糙米飯、味噌湯、醃漬小菜再配上4道菜；三號餐係同二號餐一樣，只係減少配菜數量。至於「七號餐」就只係食糙米飯，透過呢種減肥方式重整身體機能同幫助排毒，而家一齊睇吓呢個「七號餐減肥法」嘅食法係點喇！
七號餐嘅食法係10天內只可以糙米飯，並搭配芝麻同鹽，食嘅時候要咀嚼至少30下，先可以幫助消化，其他食物都唔可以食，10日後先可以加入蔬菜味噌湯。如果食到口淡淡，可以用梅乾或者白蘿蔔嚟調味，但白蘿蔔每日唔可以食多過三片。除咗水之外，可以飲唔含咖啡因嘅茶，但含糖、咖啡因飲品同酒精都記住唔可以飲！
「七號餐減肥法」菜單
Day1 – Day10：糙米飯＋芝麻同鹽調味
Day11：糙米飯+蔬菜味噌湯
Day12：糙米飯+蔬菜味噌湯＋水煮雞胸肉
Day13：糙米飯+蔬菜味噌湯+水煮雞胸肉＋燙青菜
Day14：糙米飯+蔬菜味噌湯+燙青菜+少少海鮮
Day15：可以恢復正常飲食~
呢個「七號餐減肥法」係而家唔少日本女生都做完都覺得有效嘅方法，甚至有網友表示五日內仲可以減走3公斤，身體亦都變得輕盈咗、，皮膚變好、食量都縮小！
各位女生們睇完呢個減肥法後，有冇興趣想挑戰一吓？不過記得方法未必每個人都適合，長遠想有好嘅身材，最重要都係營養均衡、做適度運動！
————————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
