史迪仔Miniso | 鍾意史迪仔嘅粉絲唔好錯過啦～MINISO於銅鑼灣開設香港首間兩層高旗艦店，旗艦店更以史迪仔為主題。門口有巨型史迪仔同大家打招呼，場內更有3米長主題打卡牆！同場仲有超過100款Stitch限定精品！即刻睇入內文睇詳情啦！

圖片來源：SAUCE編輯部、Facebook@Miniso Hong Kong | 撰文：Hedy

MINISO香港銅鑼灣旗艦店以「史迪仔」為主題，佔地逾3,000平方呎，當中超過2000款精品畀大家選購！一入門口就會見到巨型史迪仔食住雪糕同大家打招呼，而二樓樓梯位置亦係完美打卡位之一，粉絲們絕對唔好錯過！

MINISO香港史迪仔主題店（圖片來源：Facebook@Miniso Hong Kong）
樓梯打卡位！（圖片來源：SAUCE編輯部）
巨型史迪仔！（圖片來源：SAUCE編輯部）

史迪仔Miniso | 必買史迪仔盲盒

店入面提供逾百款史迪仔主題產品，包括盲盒、毛公仔、文具配件等。而當中必買嘅絕對係香港限定嘅「史迪仔」搪膠毛絨盲盒系列，可愛之餘顏色又夠晒繽紛～仲有小編私心推薦巨型嘅史迪仔公仔，帶上花圈嘅史迪仔必定要帶返屋企！

超多史迪仔精品（圖片來源：SAUCE編輯部）
可愛到想帶返屋企～（圖片來源：SAUCE編輯部）
史迪仔盲盒（圖片來源：SAUCE編輯部）
仲有其他迪士尼角色！（圖片來源：SAUCE編輯部）
掛件（圖片來源：SAUCE編輯部）
+1

史迪仔Miniso | 兩層高旗艦店

一樓同二樓都有近百款IP嘅產品，當中包括迪士尼、飛天小女警、Care Bears以及寵物小精靈等等。一樓主打唔同角色嘅盲盒以及公仔，身為史迪仔粉絲一定要行返夠！而二樓就有唔同MINISO熱賣嘅旅行用品。

水樽（圖片來源：SAUCE編輯部）
可以擺放小物（圖片來源：SAUCE編輯部）
仲有寵物小精靈！（圖片來源：SAUCE編輯部）
文具用品（圖片來源：SAUCE編輯部）
唔同角色嘅盲盒（圖片來源：SAUCE編輯部）
+1

史迪仔Miniso | 限定開業優惠

依家仲有3大限定開業優惠，數量有限，先到先得！

  • MINISO會員免費送香港限定史迪仔貼紙1份
  • 消費滿$50 即贈香港限定徽章2個
  • 消費滿$100 低至3折超值換購精選商品
免費貼紙（圖片來源：Facebook@Miniso Hong Kong）
有得換公仔！（圖片來源：Facebook@Miniso Hong Kong）
【INFO】
《MINISO香港銅鑼灣旗艦店》
時間：星期一至日及假期 09:00至22:00
地址: 銅鑼灣東角道26號怡安大廈地舖13號舖

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk