鍾意「發吽哣」嘅朋友，有冇諗過「發吽哣」都可以變成比賽？韓國主辦嘅「發呆比賽」今年嚟到香港啦，將於10月5日舉行，贏得「發呆比賽」除咗可以獲得「發呆王」殊榮外，仲可以贏取下一站發呆比賽嘅來回機票，即睇活動詳情啦！
圖片來源：官方圖片｜撰文：Sharon
第九屆國際發呆比賽2024，今年選址香港舉行，由韓國文化院主辦，係韓國十月文化節嘅一部分。參賽者要喺「發呆比賽」中90分鐘內徹底放空，期間唔可以瞓覺、玩手機同傾計，以維持最平靜及穩定心率為目標！場內將有工作人員每十五分鐘為參賽者量度心跳作紀錄，場內更設有現場觀眾投票，得到最高票嘅10名參賽者將會成為發呆最後十強，而心律最平穩嘅參賽者為最後勝出者！
近年「發呆比賽」慢慢變成國際盛事，每年都會去唔同地方舉行，除咗主辦國韓國，仲會去到日本同台北等地，今年就揀咗喺香港進行，相信可以吸引唔少「發吽哣」高手嚟比賽！國際發呆大賽於10月5日舉行，參賽者不設年齡限制，可以自行或組隊參加，免費報名！冠軍將會獲得發呆王獎杯一座及下一站國際發呆比賽的單人來回機票，今日就截止報名喇，有興趣嘅朋友千祈唔好錯過，一齊「發吽哣」啦！
【INFO】 《第九屆國際發呆比賽2024》 活動日期 ：10月5日 活動時間：15:00 - 17:00 截止日期 ：9月25日17:00 報名費：全免 報名網站：https://bit.ly/3MTdZ8C
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
