動畫瘋 | 平時有睇開動畫嘅人有福啦，大家依家都可以喺「動畫瘋」免費睇正版動畫，當中包括《刀劍神域》、《我的英雄學院》以及《進擊的巨人》等大熱動畫都睇到！
圖片來源：官方網站 | 撰文：Hedy
巴哈姆特推出免費正版動畫播放平台「動畫瘋」，依家更喺香港同澳門展開測試，大家可以隨時喺APP或者網頁版上面收睇。目前大家都可以睇到唔同合作商嘅動畫，當中包括木棉花、羚邦、曼迪、ANIPLUS、回歸線娛樂、智寶國際以及提恩傳媒等。
動畫瘋 | 免費收睇動畫
收睇免費動畫嘅方法相當簡單，只要下載應用程式或瀏覽網頁版，喺睇廣告之後就可以免費睇720P畫質嘅動畫，節目字幕為繁體中文，絕對適合大家！如果唔想收睇廣告，大家都可以課金$24一個月，咁就可以睇1080P高畫質又唔使再睇廣告，對睇開動畫嘅人絕對係一大喜訊！
動畫瘋 | 動畫時間表
大家除咗可以喺度睇唔少當季新番例如《轉生為第七王子，隨心所欲的魔法學習之路》、《無職轉生～到了異世界就拿出真本事》以及《關於我轉生變成史萊姆這檔事》之外，巴哈姆特動畫瘋亦都會陸續提供過往嘅動畫畀大家重溫。同時App更設有動畫時間表，等大家都可以輕鬆搵到動畫實際播出時間！無論係用電話定係手機收睇，都可以同步更新觀看紀錄，咁就唔怕唔記得自己睇到邊啦～
【INFO】 《動畫瘋》 下載連結：Android / iOS 網頁版連結：https://bit.ly/3KBvbyc
