2月自助餐優惠 | 2月除咗要過喜氣洋洋嘅新年之外，更要過情人節！多間酒店推出自助餐優惠，有多款賀年菜式之餘，更可任食生蠔、龍蝦及海鮮等，即刻睇下有咩至抵選擇！
圖片來源：klook、kkday| 撰文：Hedy
2月自助餐優惠 | 1. 香港沙田萬怡酒店 – MoMo Cafe
性價比極高嘅沙田萬怡酒店MoMo Cafe，除咗有買一送一優惠之外，近日更推出「春日綠悠盛宴」自助午餐同晚餐，可以歎即開生蠔、燒穀飼西冷牛肉同埋黑松露燒烤雞搥，低至$221一位，真係好抵呀！喺新年2月10日至12日期間，酒店更推出限定「喜聚迎春‧豐味饗宴」，包括金雞報喜、橫財就手、金銀滿屋，新年同親戚食一定夠晒開心同滿足！
【INFO】
【買一送一】自助午餐
優惠價：$442起/位
【買一送一】自助晚餐
優惠價：$790起/位
【低至6折】自助午餐
優惠價：$258起/位
【低至6折】自助晚餐
優惠價：$461起/位
地址：香港新界沙田安平街1號香港沙田萬怡酒店內2樓
立即預訂：https://bit.ly/481crS6
2月自助餐優惠 | 2. 朗廷酒店 – The Food Gallery
位於尖沙咀香港朗廷酒店The Food Gallery嘅自助餐呈獻多款時令海鮮，當中包括生蠔、波士頓龍蝦、雪花蟹腳、加拿大青口，全部都可以任食！除咗海鮮之外，更有刺身、壽司、榴槤拿破崙、班蘭奶油蛋糕、香芒糯米飯同Mövenpick雪糕等等。無論喺鍾意食海鮮定係甜品嘅你，都有多款選擇！適逢新年更推出限定菜式：蜜餞開運金蠔以及發財大利就手，新年食相當好意頭！
【INFO】 【買三送一】海陸饕餮自助午餐 優惠價：$330起/位 【買三送一】「龍」重「情」獻東南亞自助晚餐 優惠價：$628起/位 地址：香港九龍尖沙咀北京道8號 立即預訂：https://bit.ly/48Vwwuj
2月自助餐優惠 | 3. 九龍海逸君綽酒店 – The Promenade
想一邊睇住靚景一邊食自助餐嘅大家，呢度就最適合！齊集嚟自日本、印度、東南亞及西式風味美食同甜點之外，更有一系列人氣美食包括即開新鮮生蠔、紅楚蟹、松葉蟹、「薑蔥炒龍蝦」、「照燒汁煮鮮鮑魚」、「紅燒花膠螺片」、「秘製重慶烤魚」及「烤羊架」等！喺落地玻璃之下，欣賞維港景色，同時又可以同親朋戚友享受自助餐嘅時光，真係好寫意！
【INFO】 【低至79折優惠】午市自助餐 優惠價：$330起/位 【低至79折優惠】下午自助餐 優惠價：$420起/位 【低至79折優惠】晚市自助餐 優惠價：$573起/位 地址：香港九龍紅磡黃埔花園德豐街20號 立即預訂：https://bit.ly/3OnjyNT
2月自助餐優惠 | 4. 香港萬麗海景酒店 – 萬麗咖啡室
想新年一家人食大餐，就可以揀香港萬麗海景酒店。由2月9日至14日都有飛躍龍騰自助午餐焦點美饌供應，當中有寓意著「盤滿缽滿」嘅聚寶盆中式滷水拼盤、「鴻運當頭」燒乳豬、「發財好市」海參髮菜蠔豉炆鴨掌等等。食完豐富嘅自助餐之後，祝福大家新一年會都有好開始！
【INFO】 【低至82折】自助午餐 優惠價：$464起/位 【低至82折】自助晚餐 優惠價：$768起/位 地址：灣仔港灣道1號香港萬麗海景酒店閣樓 立即預訂：https://bit.ly/47YmPu2
2月自助餐優惠 | 5. 九龍酒店 – 倚窗閣
鍾意食海鮮嘅你，絕對唔可以錯過最新推出嘅「尋鮮之旅海鮮自助晚餐」！除咗有蠔、雪花蟹腳同紐西蘭青口等嘅海鮮任食之外，更提供「蒸龍蝦」、「蒸鮑魚」、「蒸沙巴龍躉」同「鹽燒海蝦串」，令你享受原汁原味嘅海鮮，見到都覺得吸引呀！
【INFO】 【低至79折優惠】自助午餐 優惠價：$351起/位 【低至79折優惠】自助晚餐 優惠價：$609起/位 地址：尖沙咀彌敦道19-21號九龍酒店2樓 立即預訂：https://bit.ly/48T4rUp
2月自助餐優惠 | 6. 香港挪亞方舟度假酒店 – 豐盛閣餐廳
講求有氣氛、有景色睇又可以享用自助餐，就可以嚟挪亞方舟豐盛閣餐廳，一邊睇住青馬大橋嘅景色，一邊享受眼前美食，一定會好難忘！最近餐廳更推出「和牛海鮮嚐味冬日自助晚餐」，除咗有波士頓龍蝦、加拿大鱈蟹腳及刺身之外，更有多款以和牛入饌嘅菜式。
【INFO】 【低至73折優惠】 半自助晚餐 (星期五及日) 優惠價：$324起/位 【低至73折優惠】 自助晚餐 優惠價：$467起/位 地址：香港馬灣珀欣路33號 立即預訂：https://bit.ly/3SnOaQq
2月自助餐優惠 | 7. 香港柏寧酒店 – PLAYT
PLAYT 新年自助餐以多款吉祥賀年菜式傳遞滿滿祝福，為大家去舊迎新！新一年為大家準備咗北菇鴨掌扒鮑魚 、清蒸沙巴龍躉、XO醬西蘭花帶子蝦球等，預祝大家來年錦上添花！自助晚餐當然亦有即開生蠔、龍蝦及雪蟹腳等選擇，仲有必食嘅自家製茅台意大利雪糕。想慶祝情人節更為大家準備咗心形威靈頓牛柳同香煎鵝肝，節日感氣氛滿滿，同另一半去就啱晒！
【INFO】 【低至78折】「鱈蟹腳．原隻鮑魚．西冷扒」自助午餐 優惠價：$385起/位 【低至78折】魚子醬、龍蝦週末自助早午餐 優惠價：$588起/位 地址：香港銅鑼灣告士打道310號 立即預訂：https://bit.ly/3UhNRtb
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
