聖誕自助餐2023 | 10大酒店自助餐推介！買一送一$221起、早鳥優惠75折任食生蠔龍蝦

仲有唔夠一個月就到聖誕節，小編搜羅咗10間人氣自助餐，有無限任食火雞、時令海鮮及多款聖誕鹹甜點。各大酒店喺聖誕節期間都紛紛準備咗唔同嘅遊戲節目，平安夜、聖誕節及元旦當日有聖誕老人現身同大家拍照留念、仲有魔術師同小丑玩遊戲同大家一齊迎接新一年，同時有兒童合唱團報佳音，一同歡度難忘嘅聖誕時光！依家仲有早鳥優惠，買一送一後$221/位起，性價比非常高！睇中邊間就要提早預約啦！

圖片來源：官方圖片、KKday｜撰文：Ginger

聖誕自助餐 2023｜ 1. 都會海逸酒店 – 西餐廳 Promenade

此外，紅磡都會海逸酒店Promenade推出《聖誕歐洲小村莊》主題佳節盛宴，為大家帶來一系列矜貴美食，例如有即開新鮮生蠔、由總廚精心炮製嘅海膽醬燒龍蝦、堂弄火炙原條鹽焗三文魚、香草燒鹿架伴熱情果醬及香草烤聖誕火雞配金巴利汁、芬蘭卡累利砂鍋燉肉、燒豬肉免治煙肉卷等。以及聖誕甜點如聖誕花環蛋糕、聖誕紅絲絨忌廉海綿蛋糕及璀璨金輝甜品拼盤等。12 月 24 至 26 日期間，餐廳更特別安排聖誕老人巡遊，等大家度過一個愉快嘅聖誕！

酒店內仲有Senzuru千鶴日本料理，聖誕節都有《千鶴牡丹海老、澳洲 M9 和牛聖誕御膳》 ，提供幾十款由日本空運直送優質食材而製作嘅菜式，包括帆立貝海膽天婦羅配岩鹽、鬼火燒活南非鮑魚配昆布汁、M9澳洲和牛薄燒或厚燒配芥末岩鹽同埋多款特色甜品。兩間都咁吸引，你會點揀呢？

【INFO】
2023 年 12 月 24 日
《聖誕歐洲小村莊》各餐廳之主題佳節盛宴 
平安夜自助午餐 
優惠價：$608起/位
平安夜自助晚餐 
優惠價：$928起/位

2023 年 12 月 25 日
聖誕日自助午餐 
優惠價：$638起/位
聖誕日自助晚餐 
優惠價：$908起/位

2023 年 12 月 31 日
大除夕自助午餐
優惠價：$558起/位
大除夕自助晚餐
優惠價：$788起/位

《千鶴鐵板燒半放題早午餐》
優惠價：$698起/位
《千鶴牡丹海老、澳洲 M9 和牛聖誕御膳》
優惠價：$1,380起 (最少兩位起)
地址：香港九龍紅磡都會道7號
立即預訂：https://bit.ly/46zriTi

聖誕自助餐 2023｜ 2. PLAYT 香港柏寧酒店 – The Park Lane Hong Kong 

香港柏寧酒店特地安排聖誕老人、魔術師及小丑喺平安夜同聖誕節當日同大家玩遊戲，12月31日更有魔術表演及小丑扭紋氣球同大家迎接新一年，絕對係一家大細應節首選！

12月及元旦聖誕火雞自助餐食物種類非常豐富，例如有烤聖誕火雞、烤聖誕蜜糖火腿、傳統熱溶瑞士拉可雷特芝士配烚迷你薯仔及配料，以及香煎北海道帶子配芝士忌廉汁及新鮮黑松露及酥皮黑松露蘑菇忌廉湯，熱葷包括法式芝士焗生蠔及脆炸流心芝士蝦丸等。最後，記得要試埋各款節日甜點，例如瑞士瑞克雷乳酪雪糕、焗曲奇芝士餅、黑松露白朱古力慕絲、聖誕木頭蛋糕、傳統聖誕布甸、法式燉蛋及芝士慕絲、薑餅木糠布甸及焗薑餅流心芝士撻等。想感受節日氣氛，必定要嚟呢間試吓啦！

【INFO】
【低至78折】12月及元旦聖誕火雞、龍蝦、鱈蟹腳主題自助午餐
優惠價：$368起/位
【低至78折】12月及元旦聖誕火雞、魚子醬、龍蝦、鱈蟹腳主題週末自助早午餐
優惠價：$535起/位
【低至78折】12月及元旦聖誕火雞、即開生蠔、龍蝦、鱈蟹腳主題自助晚餐
優惠價：$667起/位
【買3送1】魚子醬週末自助早午餐（12月）
優惠價：$534起/位
【買3送1】和牛鮑魚 生蠔龍蝦海鮮自助晚餐（12月）
優惠價：$696起/位
地址：香港銅鑼灣告士打道310號
立即預訂：https://bit.ly/3DErKDM

聖誕自助餐 2023｜ 3. 富豪九龍酒店 – 雅廊咖啡室

如果想要性價比之選，就可以揀富豪九龍酒店全新推出嘅「冬甩奇幻聖誕」自助餐，供應多款節日特色美食，每位惠顧自助晚餐之客人更可獲贈香草起司焗龍蝦半隻！聖誕及除夕當日，餐廳特別安排聖誕老人同大家互動拍照，更可以玩臉部彩繪，繪製出自己喜愛嘅圖案同角色，非常有趣，增添歡樂氣氛！

今次季節限定嘅自助餐特別推介冰鎮海鮮如加拿大麵包蟹及海蝦，更有琳瑯滿目嘅熱蕈美饌包括香煎牛柳伴鴨肝汁、烤羊架配露絲瑪莉汁等。此外，鴨肝醬批伴蘋果醬、香檳龍蝦芒果啫喱及烤雞蘋果沙律等亦非常受歡迎！最後，唔好唔記得一定要食埋聖誕樹頭蛋糕、橙酒朱古力批、即席火焰雪山、Mövenpick雪糕港式雞蛋仔，冰火交融嘅口感令人難以抗拒！

【INFO】
【半價優惠】「冬甩奇幻聖誕」自助午餐
優惠價：$271/位
【半價優惠】「冬甩奇幻聖誕」自助晚餐
優惠價：$422/位
地址：香港銅鑼灣告士打道310號
立即預訂：https://bit.ly/3MVvq99 

聖誕自助餐 2023｜4. 香港逸東酒店 – 普慶餐廳

喜愛懷舊聖誕裝飾及喜歡香港六十年代夜景燈飾嘅你，必定要到訪香港逸東酒店普慶餐廳重溫昔日溫馨佳節時光。普慶餐廳特別推出「普慶歡騰」聖誕自助餐，提供多達200款應節美食如聖誕烤火雞、澳洲M5和牛肉眼扒、Raclette芝士專區、即切 36 個月西班牙黑毛豬風乾火腿、海膽醬燒赤海蝦及甲羅燒等。更設有聖誕甜品，如聖誕布丁配白蘭地醬、士多啤梨泡芙塔及朱古力棉花糖夾心餅以及節日限定朱古力噴泉等。小編就覺得一系列聖誕特飲最有心思，應節又窩心嘅聖誕香料暖紅酒、香橙檸檬薑茶、番石榴士多啤梨梳打及香水檸檬梳打等，特別有氣氛。

【INFO】
「普慶歡騰」聖誕自助餐 
優惠價：$388起/位（詳細價錢請參閱官方網站）
地址：佐敦彌敦道380號香港逸東酒店B1樓層 - 普慶餐廳
立即預訂：https://bit.ly/3ST5dvL 

聖誕自助餐 2023｜5. 帝逸酒店 – Alva House

帝逸酒店「Alva House海陸珍饈 豐盛節日自助餐」，除咗有大家最喜愛嘅即開生蠔、麵包蟹、水耕菜沙律等精緻前菜，更有多於60款環球美食，包括鐵板和牛薄燒、花膠蟹肉海王羹、蟹粉小籠包等地道佳餚等。12月22至31日期間仲有聖誕節限定特色菜，有威靈頓牛柳、燒美國斧頭扒肉眼烤、自家秘製羊腿等！最後，餐廳更加入多款聖誕甜點，例如聖誕果子餡餅、聖誕意式果子包、聖誕薑餅等，應有盡有！喺12月10日或之前預訂及繳付訂金，或者喺網上商店預購，於指定日子及用餐時段更加可以享有低至9折及95折早鳥優惠，大家要提早預備啦！

帝逸酒店大堂擺放住約四米高嘅大型聖誕樹，掛上多串閃亮燈泡，旁邊更有拍攝專區，成為酒店嘅打卡熱點。平安夜當晚，更有一眾小朋友合唱團報佳音，增添聖誕歡樂氣氛。

【INFO】
自助早午餐
優惠價：$598/位起
自助晚餐
優惠價：$888/位起
地址：香港沙田源康街1號帝逸酒店1樓
立即預訂：https://bit.ly/3MXFuhT  

聖誕自助餐 2023｜6. 北角海逸酒店 – 綠怡咖啡廳

北角海逸酒店綠怡咖啡廳12月特別推出節慶自助餐，於12月18日或之前喺佢地網上商店預訂可享高達75折優惠！ 自助餐唔只有港人平時最受嘅菜式燒火雞胸、即開生蠔、凍龍蝦、鱈場蟹腳、燒羊架、威靈頓牛柳等，聖誕佳節仲有各國特色美食，包括燉牛面頰黑啤酒汁、意大利獵人燴雞、避風塘炒龍蝦鉗、德國豬手、辣酒煮花螺及煙肉洋蔥焗扇貝等。甜品就有聖誕樹頭蛋糕、聖誕麵包布甸及及多款 Movenpick 雪糕等，非常豐富！同場亦有即煎香煎鴨肝伴多士，及自選配料壽喜燒及海鮮火鍋，讓您整個晚上大快朵頤！

【INFO】
節慶自助早午餐 
優惠價：$344起/位

節慶自助晚餐
優惠價：$688起/位
地址：香港北角英皇道 665 號北角海逸酒店 2 樓 
立即預訂：https://bit.ly/3SZ175m 

聖誕自助餐 2023｜7. 香港百樂酒店 – Park Cafe

香港百樂酒店今年特別推出聖誕及除夕自助餐，由酒店總廚及廚師團隊精心設計數十款聖誕菜式，包括有聖誕慢煮果香火雞、菠蘿楓糖烤金門火腿、瑞士Raclette熱溶芝士配烚迷你薯仔及配料、聖誕樹頭蛋糕、德國聖誕麵飽和聖誕布甸等。自助晚餐仲有一系列滋補花膠菜式，包括紅燒花膠鴨掌花菇、花膠胡椒豬肚雞煲、花膠海斑素翅湯、桃膠花膠螺頭燉烏雞湯等，女士一定要食多啲！當然唔少得大家平時最愛麵包蟹蟹腳海鮮拼盤。

為咗讓大家感受到濃厚嘅聖誕氣氛，Park Cafe喺平安夜同聖誕節當日仲會特別安排聖誕老人派禮物。喺12月 24日至25日及31日，更加設有現場幸運大抽獎，獎品包括雙人自助晚餐禮券、雙人自助午餐禮券等等，食自助餐仲有得抽獎，真係滿載而歸！於12月21日或之前預訂聖誕及除夕自助餐並繳付全費，就可以享有低至75折優惠，仲唔把握時機？

【INFO】
聖誕及除夕自助餐
優惠價：$298/位起
地址：香港九龍尖沙咀漆咸道南61­­65號
立即預訂：bit.ly/47tTeZD

聖誕自助餐 2023｜8. 香港萬麗海景酒店 – 萬麗咖啡室

萬麗海景酒店自助餐一向評價都唔錯，今年聖誕，酒店推出嶄新「佳節前夕自助餐」及「平安夜及聖誕節自助餐」主題盛宴，呈獻一系列以聖誕為主題嘅特色佳餚，如三十六個月西班牙伊比利亞黑毛豬風乾火腿配蜜瓜、烤火雞、酒香烤火腿、威靈頓牛柳、香烤和牛牛肩排及虎蝦、聖誕香料酒及黑鱈魚西京燒等，款式琳瑯滿目，任食各國佳餚，一齊歡慶璀璨佳節！

【INFO】
佳節前夕自助午餐（買二送一）
優惠價：$375起/位
佳節前夕自助晚餐（買二送一）
優惠價：$620 /位起
平安夜及聖誕節自助午餐
優惠價：$688起/位
平安夜及聖誕節自助晚餐
優惠價：$968起/位
地址：灣仔港灣道1號香港萬麗海景酒店閣樓
立即預訂：https://bit.ly/3FS10AA

聖誕自助餐 2023｜9. 挪亞方舟度假酒店 – 豐盛閣餐廳

想聖誕節感受浪漫醉人嘅景色，必定要蒞臨挪亞方舟度假酒店，一邊享受美食，一邊飽覽180度青馬大橋及海灘夜景，瀰漫着白色聖誕浪漫氣氛。

特別推出四款節慶美饌，「璀璨盛饌 – 聖誕佳節自助餐」、「海鮮。和牛」嚐味冬日自助晚餐、「果逸寵愛海景下午茶」及「Chill饗海景燒烤盛薈」。精心打造一系列以環球海鮮及高質和牛入讚嘅聖誕特色美食，例如有香煎蒜片和牛粒、酥炸和牛肋條、黑松露和牛炒飯等。此外，有大家最喜愛的海鮮，例如有加拿大鱈蟹腳、波士頓龍蝦以及燒美國有骨肉眼、慢煮鴨胸等各國佳餚。想過個豐盛聖誕，「璀璨盛饌 – 聖誕佳節自助餐」喺12月15號前預訂仲有75折，CP值極高！

【INFO】
【69折優惠】「海鮮。和牛」嚐味冬日自助晚餐 （12月）
優惠價：$588起/位
「果逸寵愛海景下午茶」
優惠價：$468/兩位
「Chill饗海景燒烤盛薈」
優惠價：$1388/四位起
「璀璨盛饌聖誕佳節自助餐」
優惠價：$398/位起
地址：香港新界馬灣珀欣路33號
立即預訂： https://bit.ly/3RgWuSJ

聖誕自助餐 2023｜10.  香港沙田萬怡酒店 – MoMo Café

今個聖誕，香港沙田萬怡酒店 MoMo Café特別推出55折「繽紛聖誕歡樂新年」週末自助晚餐，任食即開生蠔、鱈場蟹腳，每位更送清蒸原隻波士頓龍蝦一隻！

而「醉`芝`莓味饗」自助晚餐更有買一送一優惠，每位$221起，送四式芝士焗帆立貝一客或清蒸大閘蟹一隻及波士頓龍蝦半隻！愛酒之人必試其以酒入饌嘅各款特色菜式，例如薄荷酒浸西瓜發達芝士沙律、辣酒煮東風螺、花雕薑蔥焗醉蝦、香煎羊架配雜莓紅酒汁等，創新有特色，重酒味又惹味。

【INFO】
【聖誕時段買一送一優惠】「繽紛聖誕歡樂新年」自助晚餐 (12月27至29號)
優惠價：$437/位
【12月份低至6折優惠】 「繽紛聖誕歡樂新年」平日自助午餐 (星期一至五, 公眾假期除外)
優惠價：$258/位
【12月份低至7折優惠】 「繽紛聖誕歡樂新年」週末自助午餐 (星期六、日及公眾假期)
優惠價：$375/位
【12月份低至55折優惠】「繽紛聖誕歡樂新年」自助晚餐
優惠價：$415/位
【聖誕節日75折優惠】「繽紛聖誕歡樂新年」節日自助午餐
優惠價：$398/位
【聖誕節日65折優惠】「繽紛聖誕歡樂新年」節日自助晚餐
優惠價：$546/位
【10-12月份買一送一優惠】 「醉`芝`莓味饗」自助晚餐 
優惠價：$383/位
【10-12月份買一送一優惠】 「醉`芝`莓味饗」平日自助午餐 (星期一至五, 公眾假期除外)
優惠價：$221/位
【10-12月份65折優惠】 「醉`芝`莓味饗」週末自助午餐(星期六、日及公眾假期)
優惠價：$351/位
地址：新界沙田安平街 1 號2樓
立即預訂：https://bit.ly/3QYBu1H

——————————————————

Follow 我哋睇更多最新情報！

Facebook – SAUCE – 為生活加一點味道

Instagram – sauce.media.hk

MEWE – SAUCE – 為生活加一點味道

Website – https://saucemedia.net/